കൊല്ലം :ഭിന്നശേഷിക്കാരിയായ റെയിൽവേ ഉദ്യോഗസ്ഥയുടെ സ്വർണവും പണവും അപഹരിച്ചു. കൊല്ലം - തിരുനെൽവേലി പാസഞ്ചര്‍ ട്രെയിനില്‍ തെന്മലയിൽ വെച്ചായിരുന്നു സംഭവം. കൊല്ലത്തേക്ക് പോവുകയായിരുന്ന എറണാകുളം സ്വദേശിനി രശ്‌മിയാണ് കവര്‍ച്ചയ്‌ക്കിരയായത്.
പണവും സ്വർണാഭരണങ്ങളും സൂക്ഷിച്ചിരുന്ന പേഴ്‌സ്‌ മോഷ്‌ടാവ് ഭീഷണിപ്പെടുത്തി കൈക്കലാക്കുകയായിരുന്നു. ഇത് തടയുന്നതിനിടെ നിലത്തുവീണ രശ്‌മിയുടെ കൈയ്ക്ക്‌ പരിക്കേൽക്കുകയുണ്ടായി. പ്രതി ട്രെയിനിൽ നിന്നും പുറത്തേക്ക് ചാടി രക്ഷപ്പെട്ടു.
ഭിന്നശേഷിക്കാരിയായ റെയിൽവേ ഉദ്യോഗസ്ഥയുടെ സ്വർണവും പണവും അപഹരിച്ചു