കൊല്ലം : ലഹരി ഇടപാടിൽ പിടിയിലായവരെ കാണാനെത്തിയവര്‍ പൊലീസ് സ്‌റ്റേഷനിൽ അതിക്രമം അഴിച്ചുവിട്ടു. പ്രതികളെ കാണാന്‍ കിളികൊല്ലൂർ സ്‌റ്റേഷനിലെത്തിയവരാണ് പോലീസുകാരെ ആക്രമിച്ചത്. സൈനികന്റെ നേതൃത്വത്തിൽ എഎസ്ഐ പ്രകാശന്റെ തലയ്‌ക്കടിക്കുകയായിരുന്നു. കയ്യിലെ ഇടിവള കൊണ്ടായിരുന്നു ആക്രമണം.
എംഡിഎംഎയുമായി അറസ്‌റ്റിലായ പ്രതികളെ കാണാന്‍ പൊലീസ് സ്‌റ്റേഷനിലെത്തിയവരാണ് അഴിഞ്ഞാടിയത്. സംഭവത്തിൽ കൊല്ലം കൊറ്റംകര സ്വദേശികളായ സൈനികൻ വിഷ്ണു, വിഘ്‌നേശ് എന്നിവരെ പൊലീസ് അറസ്റ്റ് ചെയ്തു. ദമ്പതികൾ ഉൾപ്പെട്ട മയക്കുമരുന്ന് സംഘത്തെയാണ് കിളികൊല്ലൂർ പൊലീസ് മുമ്പ് പിടികൂടിയിരുന്നത്.
പിടിയിലായ മയക്കുമരുന്ന് സംഘത്തെ കാണാനെത്തി പൊലീസ് സ്‌റ്റേഷനിൽ അതിക്രമം ; സൈനികനും സുഹൃത്തും അറസ്റ്റില്‍