കൊല്ലം കുണ്ടറയിൽ കാർ മരത്തിലിടിച്ച് അപകടം; രണ്ട് മരണം

കുണ്ടറയിലെ പെരുമ്പുഴ ഭാഗത്ത് വച്ച് കാർ റോഡരികിലെ മരത്തിലിടിച്ച് മറിയുകയായിരുന്നു. രണ്ട് യുവാക്കൾ സംഭവസ്ഥലത്ത് വച്ച് തന്നെ മരിച്ചു. ഗുരുതരമായി പരിക്കേറ്റ മറ്റ് രണ്ടുപേർ ചികിത്സയിലാണ്.

കൊല്ലം: കുണ്ടറയിൽ നിയന്ത്രണം വിട്ട കാർ മരത്തിലിടിച്ചുണ്ടായ അപകടത്തിൽ രണ്ട് യുവാക്കൾ മരിച്ചു. ജോബിൻ ഡിക്രൂസ് (25), അഗ്നൽ സ്റ്റീഫൻ (25) എന്നിവരാണ് മരിച്ചത്. സംഭവത്തിൽ മൂന്ന് പേർക്ക് ഗുരുതരമായി പരിക്കേറ്റു. പുലർച്ചെ 3.30ഓടെയായിരുന്നു അപകടം.

കൊല്ലം കുണ്ടറ പെരുമ്പുഴ ഭാഗത്ത് വച്ചാണ് അപകടമുണ്ടായതെന്ന് പൊലീസ് അറിയിച്ചു. അമിത വേഗതയിലെത്തിയ കാർ നിയന്ത്രണം വിട്ട് റോഡരികിലെ മരത്തിലിടിക്കുകയായിരുന്നു.