കൊല്ലം : കര്‍ക്കടക വാവ് ദിനമായ ഇന്ന് (28-07-2022)പിതൃസ്‌മരണയിൽ ആയിരങ്ങൾ ബലിതർപ്പണം നടത്തി. ജില്ലയിലെ പ്രധാന ബലിതർപ്പണ കേന്ദ്രങ്ങളിൽ വൻ തിരക്കാണ് അനുഭവപ്പെട്ടത്. കൊവിഡ് വ്യാപനത്തിന്‍റെ പശ്ചാത്തലത്തിൽ രണ്ട് വർഷമായി ബലിതർപ്പണ ചടങ്ങുകൾ നടന്നിരുന്നില്ല.
കൊല്ലത്തെ പ്രധാന ബലിതർപ്പണ കേന്ദ്രങ്ങളായ തിരുമുല്ലാവാരം മഹാവിഷ്‌ണു ക്ഷേത്രം,അഷ്‌ടമുടി വീരഭദ്ര സ്വാമിക്ഷേത്രം,മുണ്ടക്കൽ പാപനാശം കടപ്പുറം എന്നിവിടങ്ങളിൽ ആയിരങ്ങൾ ബലിതർപ്പണം നടത്തി. അന്യജില്ലകളിൽ നിന്ന് ഉൾപ്പടെ ആയിരങ്ങളാണ് ബലിതർപ്പണത്തിന് എത്തിയത്. ബുധനാഴ്‌ച രാത്രി 9 മുതൽ പിതൃതർപ്പണ ചടങ്ങുകൾ ആരംഭിച്ചിരുന്നു.