കൊല്ലം:തന്‍റെ മന്ത്രി സ്ഥാനം രണ്ടാം ടേമിലേക്ക് മാറ്റപ്പെട്ടത് രാഷ്ട്രീയ കാരണം കൊണ്ടു മാത്രമാണെന്ന് കേരള കോൺഗ്രസ് (ബി) ചെയർമാൻ ഗണേഷ് കുമാർ. സഹോദരി മുഖ്യമന്ത്രിയെ കണ്ട് പരാതി പറഞ്ഞതിനാലാണ് മന്ത്രിസ്ഥാനം രണ്ടാമൂഴത്തിലേക്ക് മാറ്റപ്പെട്ടതെന്ന ആരോപണം ഗണേഷ് കുമാർ നിഷേധിച്ചു. എൽ.ഡി.എഫ് യോഗത്തിൽ തീരുമാനം എടുത്തതാണ് തന്‍റെ മന്ത്രി സ്ഥാനമെന്ന് അദ്ദേഹം പറഞ്ഞു.
ഗണേഷ് കുമാർ പ്രതികരിക്കുന്നു
ബാലകൃഷ്ണപിള്ളയുടെ മൂത്ത മകളായ ഉഷ മോഹൻദാസാണ് സ്വത്ത്‌ തർക്കത്തെ ചൊല്ലി മുഖ്യമന്ത്രിയെ നേരിൽ കണ്ട് ഗണേഷ് കുമാറിനെതിരെ പരാതി ബോധിപ്പിച്ചത്. സി‌പി‌എം പൊളിറ്റ് ബ്യൂറോ അംഗം കോടിയേരി ബാലകൃഷ്ണനുമായും കൂടിക്കാഴ്ച നടത്തിയെന്നാണ് അറിയുന്നത്.