കൊല്ലം: പാക് ഷെല്ലാക്രമണത്തിൽ വീരമൃത്യുവരിച്ച നായിക് അനീഷ് തോമസിന്‍റെ മൃതദേഹം പൂർണ ഔദ്യോഗിക ബഹുമതികളോടെ സംസ്കരിച്ചു. ജന്മനാടിന് വേണ്ടി വീരചരമം പ്രാപിച്ച അനീഷിന്‍റെ മൃതദേഹം സ്വവസതിയായ വയലാ ആശാനിവാസിൽ എത്തിച്ചപ്പോൾ കുടുംബാംഗങ്ങൾക്ക് ദുഃഖം അടക്കാനായില്ല. മൃതദേഹം സൈനിക വാഹനത്തിൽ വിലാപയാത്രയായി കൊണ്ടുവന്ന വഴികളിലും ജനങ്ങൾ കാത്തുനിന്ന് ധീര ജവാന് അന്തിമോപചാരം അർപ്പിച്ചു.
വീരമൃത്യുവരിച്ച നായിക് അനീഷ് തോമസിന് ജന്മനാടിന്‍റെ വിട