കൊല്ലം: വരിഞ്ഞ് കെട്ടിയ കൈകാലുകളുമായി കാണികളെ ആവേശഭരിതരാക്കി ഡോള്‍ഫിന്‍ രതീഷ് നീന്തിക്കയറി. ബീച്ച് ഗെയിംസ് 2019 ന്‍റെ ഭാഗമായി കൊല്ലം ബീച്ചില്‍ സംഘടിപ്പിച്ച സാഹസിക നീന്തല്‍ പ്രകടനം കാണികള്‍ക്ക് വ്യത്യസ്ത അനുഭവമായി. ജില്ലാ കലക്ടര്‍ ബി. അബ്ദുല്‍ നാസര്‍ രതീഷിന്റെ കൈകാലുകള്‍ ബന്ധിച്ചതോടെ കാണികള്‍ക്ക് ആകാംക്ഷയായി. സാഹസിക നീന്തലിന് സാക്ഷിയാകാന്‍ കലക്ടറും ബോട്ടില്‍ കടലിലേക്ക് തിരിച്ചു. ശക്തികുളങ്ങര പുലിമുട്ടിന് സമീപത്ത് നിന്ന് കടലിലേക്ക് ചാടിയ രതീഷ് 10 മിനിറ്റ് കൊണ്ട് ഡോള്‍ഫിനെ പോലെ കരയിലേക്ക് നീന്തി കയറുകയായിരുന്നു. അതിശയയിപ്പിക്കുന്നതും ആവേശം പകരുന്നതുമായ പ്രകടനം.
ഓളങ്ങള്‍ കീഴടക്കി ഡോള്‍ഫിന്‍ രതീഷിന്റെ സാഹസിക നീന്തല്‍