കൊല്ലം: കുളത്തൂപ്പുഴയില്‍ സിപിഐ നേതാവ്‌ പി.ജെ.രാജുവിനെ ആക്രമിച്ച പ്രതി പിടിയില്‍. സാംനഗര്‍ നിഷാമന്‍സിലില്‍ ബിരിയാണി ഷാജി എന്നറിയപ്പെടുന്ന എം.ഷാജിയാണ് പിടിയിലായത്. കുളത്തൂപ്പുഴയില്‍ ആധാരം എഴുത്ത് ഓഫീസില്‍ കടന്ന്‌ കയറി സിപിഐ അഞ്ചല്‍ മണ്ഡലം സെക്രട്ടേറിയറ്റംഗമായ പി.ജെ.രാജുവിനെ പ്രതി കത്തി കൊണ്ട് കുത്തിയെന്നാണ് പരാതി.
സിപിഐ നേതാവിനെ ആക്രമിക്കാന്‍ ശ്രമം; പ്രതി പിടിയില്‍
കസേരയില്‍ ഇരിക്കുകയായിരുന്ന രാജുവിന്‍റെ വയറിന്‍റെ വലതുവശത്തും ഇടതുകൈക്കുമാണ് പരിക്കേറ്റിട്ടുളളത്. ശബ്‌ദം കേട്ട് സമീപത്തെ വ്യാപരസ്ഥാപനത്തിലുളളവര്‍ ഓടിയെത്തി തടസം പിടിച്ചതിനാല്‍ കൂടുതല്‍ പരിക്കേറ്റില്ല. പ്രതി സ്റ്റേഷനിലെത്തി കീഴടങ്ങി. പരിക്കേറ്റ രാജുവിനെ പ്രാഥമിക ചികിത്സകള്‍ക്ക് ശേഷം വിദഗ്‌ധ ചികിത്സക്കായി താലൂക്ക് ആശുപത്രിയിലേക്ക് മാറ്റി.