വീട്ടിൽ വ്യാജ മദ്യനിർമ്മാണം; കൊല്ലത്ത് ഒരാൾ പിടിയിൽ

കൊല്ലം കുണ്ടറയില്‍ വീട്ടില്‍ ചാരായം വാറ്റുന്നതിനിടെ പടപ്പക്കര സ്വദേശി നെൽസണ്‍ പൊലീസ് പിടിയിലായി.

കൊല്ലം: വീട്ടില്‍ ചാരായം വാറ്റുന്നതിനിടെ യുവാവ് പൊലീസ് പിടിയില്‍. കുണ്ടറ പടപ്പക്കര സ്വദേശി നെൽസനാണ് കുണ്ടറ പൊലീസിന്‍റെ പിടിയിലായത്. സി ഐ ജയകൃഷ്ണന് ലഭിച്ച രഹസ്യ വിവരത്തിന്‍റെ അടിസ്ഥാനത്തില്‍ നടത്തിയ പരിശോധനയിലാണ് നെൽസൺ പിടിയിലായത്. വീടിനുള്ളിൽ നിന്നും വാറ്റുപകരണങ്ങളും ഒരു ലിറ്റർ ചാരായവും പൊലീസ് പിടികൂടി. പുതുവർഷാഘോഷ ദിനത്തില്‍ വിൽപ്പനക്കായാണ് പ്രതി ചാരായം നിർമ്മിച്ചതെന്നാണ് പൊലീസ് പറയുന്നത്. പ്രതിയെ കോടതിയിൽ ഹാജരാക്കി റിമാൻഡ്‌ ചെയ്തു.