അന്തരിച്ച നേതാക്കള്‍ക്ക് പുഷ്‌പാര്‍ച്ചന നടത്തി നിയുക്ത മന്ത്രി ജെ ചിഞ്ചുറാണി

പോളയത്തോട്ടെ സ്‌മൃതി മണ്ഡപത്തില്‍ പാര്‍ട്ടി നേതാക്കള്‍ക്കും പ്രവര്‍ത്തകര്‍ക്കുമൊപ്പമാണ് നിയുക്ത മന്ത്രി ജെ ചിഞ്ചുറാണി അന്തരിച്ച സിപിഐ നേതാക്കള്‍ക്ക് പുഷ്‌പാര്‍ച്ചന നടത്തിയത്.

കൊല്ലം: സത്യപ്രതിജ്ഞയ്ക്ക് മുന്നോടിയായി നിയുക്ത മന്ത്രി ജെ ചിഞ്ചുറാണി അന്തരിച്ച സിപിഐ നേതാക്കളുടെ സ്‌മൃതികുടീരത്തിൽ പുഷ്‌പചക്രം അര്‍പ്പിച്ചു. കോട്ടാത്തല സുരേന്ദ്രേന്‍റെ രക്തസാക്ഷി മണ്ഡപത്തിലും തെങ്ങമം ബാലകൃഷ്ണന്‍റെ സ്‌മൃതിമണ്ഡപത്തിലും സാഹിത്യകാരൻ കാക്കനാടന്‍റെ ശവകുടീരത്തിലുമാണ് ചിഞ്ചുറാണി പുഷ്‌പാർച്ചന നടത്തിയത്.

പോളയത്തോട്ടെ സ്‌മൃതിമണ്ഡപത്തിലായിരുന്നു പുഷ്‌പാർച്ചന. പാർട്ടി നേതാക്കളും ഏതാനും പ്രവർത്തകരും നിയുക്ത മന്ത്രിക്കൊപ്പം പുഷ്‌പാർച്ചന നടത്തി. ഇതിന് ശേഷമാണ് ചിഞ്ചുറാണി സത്യപ്രതിജ്ഞ ചടങ്ങിൽ പങ്കെടുക്കാൻ തിരുവനന്തപുരത്തേക്ക് യാത്ര തിരിച്ചത്.