കൊല്ലം:സ്ഥലം കൊല്ലം ആശ്രാമം മൈതാനം, സംസ്ഥാന മന്ത്രിസഭ വാർഷിക ആഘോഷത്തില്‍ പങ്കെടുക്കാനും പരിപാടി കാണാനുമൊക്കെയായി നിരവധി പേരാണ് എത്തിയത്. പക്ഷെ കയ്യടി നേടിയത് കേരള പൊലീസിന്‍റെ കൊല്ലം ഡോഗ് സ്ക്വാഡിലെ ശ്വാന സംഘം.
കാഴ്‌ചക്കാർക്ക് കൗതുകം നിറച്ച് പൊലീസിന്‍റെ ശ്വാനസംഘം, കാണാം ദൃശ്യങ്ങൾ
സ്ഫോടക വസ്തുക്കള്‍ കണ്ടെത്തുന്നതില്‍ പരിശീലനം സിദ്ധിച്ച ലാബ് ഇനത്തിൽ പെട്ട റാണിയും റോണിയും. വിദേശികളോട് കട്ടക്ക് പിടിച്ച് നിന്ന് നാടിന്‍റെ മാനം കാക്കുന്ന തനി നാടന്‍ ചിപ്പിപ്പാറ കന്നി ഇനത്തിൽ പെട്ട പൊന്നി. ബിന്‍ലാദനെ കണ്ടെത്താന്‍ അമേരിക്കന്‍ സേനയെ സഹായിച്ച ബെൽജിയൻ മെലിനോയ്‌സ് ഇനത്തിൽ നായയുടെ പിന്‍മുറക്കാരായ വൈറ്റി, അമ്മു. എങ്ങനെ ഒളിപ്പിച്ചാലും മയക്കുമരുന്ന് മണത്ത് കണ്ടെത്തുന്ന ഹണ്ടർ എന്നിവരായിരുന്നു പരിപാടിയിലെ താരങ്ങള്‍.