കൊല്ലം: കരുനാഗപ്പള്ളി അഴീക്കലിൽ മത്സ്യബന്ധന വള്ളം മറിഞ്ഞ് നാല് മത്സ്യതൊഴിലാളികൾ മരിച്ചു. ശക്തമായ തിരമാലയിൽ വള്ളം പാറയിൽ ഇടിച്ചാണ് അപകടമുണ്ടായതെന്നാണ് പ്രാഥമിക വിവരം. അഴീക്കൽ, ആലപ്പുഴ സ്വദേശികളായ സുനിൽ ദത്ത്, സുദേവൻ, തങ്കപ്പൻ, ശ്രീകുമാർ എന്നിവരാണ് മരിച്ചത്.
അഴീക്കലിൽ മത്സ്യബന്ധന വള്ളം തിരയിൽപ്പെട്ട് അപകടം
വ്യാഴാഴ്‌ച രാവിലെ 10.30ഓടെയാണ് അപകടം നടന്നത്. വലിയഴീക്കലിൽ നിന്നുള്ള ഓംകാരം എന്ന വള്ളം അഴീക്കൽ പൊഴിക്ക് സമീപം വച്ച് അപകടത്തിൽപ്പെടുകയായിരുന്നു.