പെൺകുട്ടിയുടെ കുളിമുറി ദൃശ്യം പകർത്താൻ ശ്രമം; പ്രതി പിടിയില്‍

തേവലക്കര സ്വദേശി സാമുവൽ തരകനാണ് പിടിയിലായത്. ഇയാളെ നാട്ടുകാര്‍ പിടികൂടി പൊലീസില്‍ ഏല്‍പ്പിക്കുകയായിരുന്നു

കൊല്ലം:കുളിമുറിയിൽ പെൺകുട്ടിയുടെ ദൃശ്യം പകർത്താൻ ശ്രമിച്ച ആളിനെ നാട്ടുകാർ പിടികൂടി പൊലീസിൽ ഏൽപിച്ചു. തേവലക്കര സ്വദേശി സാമുവൽ തരകനെയാണ് പിടികൂടിയത്. ബുധനാഴ്‌ച രാത്രി പടിഞ്ഞാറ്റക്കരയിലുള്ള വീടിന്‍റെ പിൻഭാഗത്ത് എത്തി ഇയാൾ മൊബൈൽ ഫോൺ വഴി ദൃശ്യം പകർത്താൻ ശ്രമിക്കുകയായിരുന്നു. ഇയാളിൽ നിന്ന് മൊബൈൽ ഫോൺ പിടിച്ചെടുത്തതായി പൊലീസ് പറഞ്ഞു. എസ്.ഐ ബഷീറിന്‍റെ നേതൃത്വത്തിലുള്ള പൊലീസ് സംഘമാണ് പ്രതിയെ അറസ്റ്റ് ചെയ്‌തത്.