കൊല്ലം: കൊവിഡ് ഭീതി നിറഞ്ഞ അന്തരീക്ഷത്തിൽ സ്‌കൂളുകള്‍ കാണാതെ കൊല്ലം ജില്ലയിൽ 20,711 കുരുന്നുകൾ ഇന്ന് ഒന്നാം ക്ലാസിലേക്ക് പ്രവേശനം നേടി. ഗൂഗിൾ മീറ്റിലൂടെ പൂർണമായും ഓൺലൈനായിട്ടാണ് പ്രവേശനോത്സവം നടന്നത്. സംസ്ഥാന തല ഉദ്ഘാടനം മുഖ്യമന്ത്രി പിണറായി വിജയൻ നിർവഹിച്ച ശേഷമാണ് ജില്ലാതല പ്രവേശനോത്സവം നടന്നത്. കൊല്ലം കോർപ്പറേഷന് കീഴിലുള്ള ടൗണ്‍ യുപിഎസില്‍ നടന്ന പ്രവേശനോത്സവം സ്‌കൂള്‍ പിടിഎ പ്രസിഡൻ്റ് റിൻസി അക്ഷരദീപം തെളിയിച്ച് ഉദ്ഘാടനം ചെയ്‌തു.
കൊല്ലം ജില്ലയില്‍ ഒന്നാം ക്ലാസില്‍ പ്രവേശനം നേടിയത് 20,711 കുരുന്നുകള്‍