കാസര്‍കോട്: പെരിയയിലെ എയര്‍ സ്ട്രിപ്പ് പദ്ധതിക്ക് കേന്ദ്ര സിവില്‍ ഏവിയേഷന്‍ മന്ത്രാലയത്തിന്‍റെ അനുമതി. ലോക ടൂറിസം ഭൂപടത്തില്‍ ഇടം നേടിയ ബേക്കലിന്‍റെ ടൂറിസം സാധ്യതകള്‍ കൂടി പ്രയോജനപ്പെടുത്തിയാണ് എയര്‍ സ്ട്രിപ്പ് പദ്ധതി വരുന്നത്. ടൂറിസം രംഗത്തെ വളര്‍ച്ചക്കൊപ്പം ആഭ്യന്തര യാത്രകള്‍ക്ക് കൂടി ഉപകരിക്കുന്നതാകും ഒരു റണ്‍വേ മാത്രമുള്ള ഈ ചെറുവിമാനത്താവളം. ഉഡാന്‍ ഫോര്‍ പദ്ധതിയില്‍ ഉള്‍പ്പെടുത്തിയാണ് കാസര്‍കോട് പെരിയയില്‍ എയര്‍ സ്ട്രിപ്പിന് അനുമതി ലഭിച്ചത്.
പെരിയയിലെ സ്വപ്‌നങ്ങൾക്ക് ചിറക് മുളക്കുന്നു; എയര്‍ സ്ട്രിപ്പിന് കേന്ദ്രാനുമതി