കാസർകോട്: മരമറിഞ്ഞ് പണിയുന്ന കൈവഴക്കവുമായി ഉളി കയ്യിലെടുത്തപ്പോൾ കൊവിഡ് കാലത്ത് ദുരിതമനുഭവിക്കുന്നവർക്ക് കരുതലും കൈത്താങ്ങുമാവുകയാണ് സ്‌നേഹയെന്ന പതിനഞ്ചുകാരി.. സ്വന്തം വീടിന്‍റെ കുഞ്ഞൻ മാതൃകയെ പ്ലൈ വുഡിൽ തീർത്ത് സമൂഹ മാധ്യമങ്ങളിൽ പങ്കുവച്ചതാണ് സ്‌നേഹയുടെ ഉദ്യമത്തിന് തുടക്കമായത്. കാസർകോട് ഇരിയണ്ണി സ്വദേശിയായ ഈ മിടുക്കിയുടെ കൈകളാൽ അതിമനോഹരമായി തീർത്ത നിർമിതി ഏറെ ജനപ്രീതി നേടിയെടുത്തു. തുടർന്ന് വീടുകളുടെ ചിത്രങ്ങൾ അയച്ചുതരുന്നവർക്ക് പ്ലൈ വുഡിൽ കുഞ്ഞൻ വീട് നിർമിച്ച് നൽകി വിൽപനയും ആരംഭിച്ചു. 10,000 രൂപയ്ക്കാണ് ആദ്യ വിൽപന നടത്തിയത്. ഇപ്പോൾ നിരവധിയാളുകളാണ് ഈ കൗമാരക്കാരിയുടെ സംരംഭത്തിന് പ്രോത്സാഹനവുമായെത്തുന്നത്.
സ്‌നേഹയുടെ കുഞ്ഞൻ വീടുകൾക്ക് ആവശ്യക്കാരേറെ..