കാസര്‍കോട്: ഒമ്പത് വയസുകാരിയെ ക്ലാസ് മുറിയില്‍ ലൈംഗികമായി പീഡിപ്പിച്ച അധ്യാപകന് 20 വര്‍ഷം കഠിന തടവും 25000 രൂപ പിഴയും വിധിച്ചു. കാസര്‍കോട് കിനാനൂരെ പി.രാജന്‍ നായരെയാണ് ജില്ലാ പോക്‌സോ കോടതി ശിക്ഷിച്ചത്. പിഴയൊടുക്കിയില്ലെങ്കില്‍ രണ്ട് വര്‍ഷം അധിക തടവിനും കോടതി വിധിച്ചു. സര്‍ക്കാര്‍ ഇരക്ക് 10 ലക്ഷം രൂപ നഷ്‌ടപരിഹാരം നല്‍കാനും കോടതി വിധിച്ചു. സര്‍ക്കാര്‍ നഷ്‌ടപരിഹാരം നല്‍കേണ്ടി വരുന്ന സംസ്ഥാനത്തെ ആദ്യ വിധികൂടിയാണിത്. പോക്‌സോ നിയമത്തില്‍ ഇരയെ പുനരധിവസിപ്പിക്കണമെന്ന ചട്ടപ്രകാരമാണ് വിധി.
ഒമ്പത് വയസുകാരിയെ പീഡിപ്പിച്ച അധ്യാപകന് 20 വർഷം കഠിനതടവും പിഴയും