കാസര്‍കോട്: ചെറുവത്തൂരില്‍ ഭക്ഷ്യവിഷബാധയേറ്റ് വിദ്യാര്‍ഥി മരിച്ച സംഭവത്തില്‍ ഒരാള്‍ കസ്റ്റഡിയില്‍. കൂള്‍ബാര്‍ മാനേജരായ പടന്ന സ്വദേശി ടി അഹമ്മദാണ് പൊലീസ് കസ്റ്റഡിയിലുള്ളത്. മുംബൈയിലേക്ക് കടക്കാന്‍ ശ്രമിക്കവെയാണ് ഇയാളെ പിടികൂടിയതെന്ന് അന്വേഷണസംഘം അറിയിച്ചു.
പിടിയിലായ അഹമ്മദിന്‍റെ അറസറ്റ് ഉടന്‍ രേഖപ്പെടുത്തുമെന്നാണ് പുറത്ത് വരുന്നവിവരം. വിദേശത്തുള്ള മറ്റൊരു പ്രതിക്കായി ലുക്ക് ഔട്ട് നോട്ടീസ് പുറത്തിറക്കുമെന്ന് അന്വേഷണസംഘം വ്യക്തമാക്കി. സംഭവത്തെക്കുറിച്ചുള്ള പ്രാഥമിക അന്വേഷണ റിപ്പോര്‍ട്ട് ഭക്ഷ്യ സുരക്ഷ വകുപ്പ് ജില്ല കലക്‌ടര്‍ക്ക് കൈമാറിയിട്ടുണ്ട്.