കാസര്‍കോട്: സംസ്ഥാന സ്‌കൂള്‍ കലോത്സവത്തിനെത്തുന്ന മുഴുവന്‍ മത്സരാര്‍ഥികള്‍ക്കും സംഘാടക സമിതിയുടെ ഉപഹാരം. അറുപതാമത് കലോത്സവത്തിന്‍റെ സ്‌മരണ നിലനിര്‍ത്താന്‍ ഓര്‍മ്മ ട്രോഫി എന്ന പേരില്‍ 12,000 ട്രോഫികളാണ് അണിയറയില്‍ ഒരുങ്ങുന്നത്. കലോത്സവം നടക്കുന്ന കാഞ്ഞങ്ങാടിന്‍റെ സ്‌നേഹം ഓര്‍മ്മയില്‍ നിലനിര്‍ത്താനായാണ് ഈ ട്രോഫികള്‍. മത്സരത്തില്‍ മാറ്റുരക്കാനെത്തുന്ന മുഴുവന്‍ കുട്ടികള്‍ക്കും നാടിനെ അടയാളപ്പെടുത്തുന്ന ഓര്‍മ്മ ട്രോഫികളാണ് സംഘാടകര്‍ സമ്മാനിക്കുന്നത്. സമ്മാനം നേടുന്നതിലുപരി സംസ്ഥാന തല മത്സരത്തിന് അര്‍ഹത നേടിയതിനുള്ളതാണ് സംഘാടകരുടെ ഈ അംഗീകാരം.
സംസ്ഥാന സ്‌കൂള്‍ കലോത്സവം; മുഴുവന്‍ മത്സരാര്‍ഥികള്‍ക്കും ഉപഹാരം