കാസര്‍കോട്: പരീക്ഷയില്‍ എ പ്ലസുകള്‍ ഇല്ലാതെ നേടിയ വിജയത്തിന് പൊന്നിന്‍ തിളക്കം. പുല്ലൂര്‍ പെരിയ സ്വദേശിയായ തേപ്പ് തൊഴിലാളി ശശിയുടെയും പുഷ്പലതയുടെയും രണ്ടാമത്തെ മകളാണ് ഈ കൊച്ചു മിടുക്കി. എന്‍ഡോസള്‍ഫാന്‍ ദുരിത ബാധിതയായ ശ്രീനിഷയ്ക്ക് ഇടത് കൈ ഇല്ല.
എൻഡോസള്‍ഫാൻ വിതച്ച ദുരിതത്തില്‍ നിന്നും പൊന്നിൻ തിളക്കവുമായി പ്ലസ് ടു വിജയം
സാമ്പത്തിക പരാധീനതകള്‍ എന്നും കൂട്ടായുണ്ട് ഈ കുടുംബത്തിന്. അതുകൊണ്ട് തന്നെ ഓണ്‍ലൈന്‍ പഠനക്കാലത്ത് മൊബൈല്‍ ഫോണ്‍ ഇല്ലാത്തത് കൊണ്ട് നിരവധി ക്ലാസുകളും ശ്രീനിഷയ്ക്ക് നഷ്‌ടപ്പെട്ടിരുന്നു. പുസ്തകങ്ങള്‍ മാത്രമായിരുന്നു ശ്രീനിഷയ്ക്ക് പഠനത്തിനായുള്ള ഏക മാര്‍ഗം.
പഠിച്ച് ആയുര്‍വേദ ഡോക്ടറാവണമെന്നാണ് ശ്രീനിഷയുടെ ആഗ്രഹം. എന്നാല്‍ കൈയില്ലാത്ത തനിക്ക് ഡോക്‌ടറാവാന്‍ കഴിയുമോയെന്ന ആശങ്ക ഈ കൊച്ചു മിടുക്കിയെ നിരാശപ്പെടുത്തുന്നുമുണ്ട്. എങ്കിലും ആത്മ വിശ്വാസത്തോടെ ഡോക്ടറാവാനുള്ള തയ്യാറെടുപ്പിലാണ് ശ്രീനിഷ.