കാസർകോട്: തന്‍റെ ചിത്രത്തിന് മികച്ച അംഗീകാരം ലഭിച്ചതില്‍ നിറഞ്ഞ സന്തോഷമെന്ന് ദേശീയ അവാർഡിന് അർഹമായ 'തിങ്കളാഴ്‌ച നിശ്ചയം' സംവിധായകന്‍ സെന്ന ഹെഗ്‌ഡെ. ഒരിക്കലും പ്രതീക്ഷിച്ചിരുന്നില്ലെന്നും ജനങ്ങളുടെ പിന്തുണ തന്നെയാണ് വലിയ അംഗീകാരമെന്നും അദ്ദേഹം പറഞ്ഞു. ചെറിയ പശ്ചാത്തലത്തില്‍ ഒരുക്കിയ സിനിമയാണ് തിങ്കളാഴ്‌ച നിശ്ചയം.
പുരസ്ക്കാരം ലഭിച്ചതില്‍ നിറഞ്ഞ സന്തോഷമെന്നും സെന്ന ഹെഗ്‌ഡെ
എന്നാലും സിനിമ വലിയ രീതിയില്‍ ചര്‍ച്ച ചെയ്യപ്പെട്ടുവെന്നും അദ്ദേഹം പറഞ്ഞു. കുടുംബ പശ്ചാത്തലത്തിലുള്ള സിനിമയായതുകൊണ്ട് തന്നെ ഏത് നാട്ടിലും ഏത് ഭാഷ സംസാരിക്കുന്നയിടങ്ങളിലും എപ്പോഴും സംഭവിക്കാനിടയുള്ളതാണ് ഇതിലെ വിഷയം. ഭാഷയും ദേശവും മാറുമ്പോൾ അതിനനുസരിച്ച് രീതികൾ മാറിയേക്കാമെങ്കിലും പ്രണയം, സ്വാതന്ത്ര്യം തുടങ്ങിയ വൈകാരിക തലങ്ങൾക്ക് എവിടെയായാലും മാറ്റമുണ്ടാകില്ല.