കാസർകോട്:സ്‌കൂട്ടിയുടെ നാല്‌ ടയറുകൾ, കാറിന്‍റെ രണ്ട്‌ സീറ്റുകൾ, ടാറ്റ എയ്‌സിന്‍റെ സ്റ്റിയറിങ്ങ്, ബൈക്കിന്‍റെ എഞ്ചിൻ.. കാസർകോട് നീലേശ്വരം സ്വദേശിയായ ഇർഫാൻ എന്ന പതിനേഴുകാരൻ നിർമിച്ചതാണ് ഈ ബഗ്ഗി. പതിനാറായിരം രൂപയാണ് ചെലവ്.
ഇഷ്‌ടമാണ് വാഹനങ്ങൾ, നീലേശ്വരത്ത് ഇർഫാന്‍റെ ബഗ്ഗി ഹിറ്റാണ്, ഇനി വരുന്നത് ഇലക്ട്രിക്
വാഹനങ്ങളെ സ്നേഹിക്കുന്ന ഇർഫാൻ ആദ്യം നിർമ്മിക്കാൻ ഉദേശിച്ചത് പൈപ്പ് കൊണ്ടുള്ള ചെറിയ കാർ ആയിരുന്നു. എന്നാൽ സഹായത്തിന് ബന്ധുവായ ഇഷാമും കൂടിയതോടെ വലിയ കാർ നിർമ്മിക്കാം എന്ന ചിന്തയായി. എല്ലാ തടസങ്ങളും പരിഹരിച്ച് 20 ദിവസം കൊണ്ട് നിർമാണം പൂർത്തിയാക്കി.