കാസര്‍കോട്:മാധ്യമപ്രവര്‍ത്തകയായ കാസര്‍കോട് സ്വദേശിനി ശ്രുതിയുടെ ദുരൂഹമരണത്തില്‍ സമഗ്രമായ അന്വേഷണം ആവശ്യപ്പെട്ട് കുടുംബം മുഖ്യമന്ത്രിക്കും, വനിതാകമ്മിഷനും പരാതി നല്‍കി. ശ്രുതിയുടെ മരണത്തിന് പിന്നാലെ ഒളിവില്‍ പോയ ഭര്‍ത്താവ് കണ്ണൂർ സ്വദേശി അനീഷിനെ കണ്ടെത്താന്‍ ബെംഗളൂരു പൊലീസിന് സാധിക്കാത്ത സാഹചര്യത്തിലാണ് കുടുംബത്തിന്‍റെ നീക്കം. വാര്‍ത്ത ഏജന്‍സിയായ റോയിട്ടേഴ്‌സിന്‍റെ ബെംഗളൂരുവിലെ ഓഫീസിലെ സബ് എഡിറ്ററായിരുന്നു ശ്രുതി.
അനീഷ് വിദേശത്തേക്ക് കടക്കാൻ സാധ്യതയുണ്ടെന്ന സംശയമാണ് കുടുംബം പങ്കുവയ്ക്കുന്നത്. വിവാഹത്തിന് ശേഷം പണത്തിനായി ശ്രുതിയെ ഭർത്താവ് അനീഷ് നിരന്തരമായി ശാരീരികമായും, മാനസികമായും പീഡിപ്പിച്ചിരുന്നുവെന്നാണ് ബന്ധുക്കളുടെ ആരോപണം. ഇതാണ് ആത്മഹത്യയിൽ കലാശിക്കാൻ കാരണമായതെന്നും ബന്ധുക്കൾ പറയുന്നു.
മരണപ്പെട്ട ശ്രുതിയുടെ സഹോദരന്‍ സംസാരിക്കുന്നു