കാസർകോട്: നീലേശ്വരത്ത് കെ-റെയില്‍ പദ്ധതിക്കായി കല്ലിടലാനെത്തിയ ഉദ്യോഗസ്ഥര്‍ക്ക് നേരെ പ്രതിഷേധവുമായി നാട്ടുകാര്‍. മുന്‍കൂട്ടി അറയിക്കാതെയാണ് ഉദ്യോഗസ്ഥര്‍ വീട്ടുമുറ്റത്ത് കല്ലിടാന്‍ എത്തിയെന്നാരോപിച്ചായിരുന്നു നാട്ടുകാരുടെ നേതൃത്വത്തില്‍ പ്രതിഷേധമുണ്ടായത്.
നീലേശ്വരം നഗരസഭ 15-ാം വാര്‍ഡ്‌ പള്ളിക്കരയ്‌ക്ക് സമീപമായിരുന്നു പ്രതിഷേധം. അലൈന്‍മെന്‍റ് പ്രകാരം കല്ലിടാനെത്തിയ കെ-റെയില്‍ ഉദ്യോഗസ്ഥരെ നാട്ടുകാര്‍ തടഞ്ഞു. പലയിടത്തും കല്ലിടാനെത്തിയത് വീട്ടുകാര്‍ അറിയാതെയാണെന്നാണ് നാട്ടുകാരുടെ ആരോപണം.
കെ-റെയില്‍ പദ്ധതി; കല്ലിടാനെത്തിയ ഉദ്യോഗസ്ഥര്‍ക്ക് നേരെ നാട്ടുകാരുടെ പ്രതിഷേധം