കാസർകോട്: മഞ്ചേശ്വരം കോഴക്കേസിൽ ബിജെപി സംസ്ഥാന അധ്യക്ഷൻ കെ സുരേന്ദ്രനെതിരെ ജാമ്യമില്ല വകുപ്പ് കൂടി ചേർത്ത് ക്രൈം ബ്രാഞ്ചിന്‍റെ ഇടക്കാല റിപ്പോര്‍ട്ട്. പട്ടികജാതി- പട്ടിക വർഗ അതിക്രമം തടയൽ വകുപ്പു കൂടിയാണ് സുരേന്ദ്രനെതിരെ ചുമത്തിയത്.
കോഴക്കേസിൽ സുരേന്ദ്രനുൾപ്പടെ ആറു പേരാണ് പ്രതികൾ. പട്ടിക വിഭാഗക്കാരനായ സുന്ദരയുടെ നാമനിര്‍ദേശ പത്രിക പിൻവലിക്കാൻ രണ്ടര ലക്ഷം രൂപയും എണ്ണായിരം രൂപയുടെ സ്മാർട്ട് ഫോണും പാരിതോഷികം നൽകിയെന്ന സുന്ദരയുടെ വെളിപ്പെടുത്തലാണ് കേസിന് ആധാരം.