കാസർകോട്:ലോക്ക് ഡൗണ്‍ കാലത്ത് തന്‍റെ സര്‍ഗവാസനകള്‍ മിനുക്കിയെടുത്ത് നെറ്റിപ്പട്ടങ്ങളുടെ നിര്‍മ്മാണത്തില്‍ ശ്രദ്ധേയയാവുകയാണ് കാസര്‍കോട് വെള്ളിക്കോത്ത് സ്വദേശി മേഘ കൃഷ്ണന്‍. വെറുതെ സമയം പോക്കിനായി പഠിച്ച നെറ്റിപ്പട്ട നിർമ്മാണം ഇപ്പോൾ മേഘക്ക് മികച്ച വിപണിയാണ് നൽകുന്നത്.
ലോക്ക്ഡൗണ്‍ കാലത്തെ മാതൃക; നെറ്റിപ്പട്ടത്തിൽ വിപണി കണ്ടെത്തി മേഘ കൃഷ്ണന്‍
കഴിഞ്ഞ ലോക്ക്ഡൗണില്‍ ഉപയോഗ ശൂന്യമായ കുപ്പികളില്‍ അലങ്കാരപ്പണികള്‍ ചെയ്തു ശ്രദ്ധേയയായിരുന്നു മേഘ. എന്നാൽ ഇക്കുറി നെറ്റി പട്ടങ്ങളുടെ നിര്‍മ്മാണത്തിലേക്കാണ് തിരിഞ്ഞത്. എറണാകുളം ജില്ലയിലെ പെരുമ്പാവൂരിലെ ഭര്‍തൃവീട്ടിനു സമീപത്തെ ഒരു സ്ത്രീയില്‍ നിന്നാണ് നെറ്റിപ്പട്ട നിര്‍മ്മാണ രീതി പഠിച്ചെടുത്തത്. തുടർന്ന് സാമ്പ്രദായികമായ രീതിയില്‍ നെറ്റിപ്പട്ടം നിര്‍മ്മിച്ച് വിപണി കണ്ടെത്തുവാനും ഇവര്‍ക്കായി.