ജോയ്‌സ് ജോർജിനെതിരെ ക്രിമിനൽ കുറ്റത്തിന് കേസെടുക്കണമെന്ന് മുല്ലപ്പള്ളി

രാജ്യം കണ്ട ഏറ്റവും വലിയ ധൂർത്ത് നടത്തുന്ന മുടിയനായപുത്രൻ ആണ് പിണറായിയെന്ന് മുല്ലപ്പള്ളി.

കാസർകോട്: രാഹുൽ ഗാന്ധിക്കെതിരെ അധിക്ഷേപപരാമർശം നടത്തിയ ജോയ്‌സ് ജോർജിനെതിരെ ക്രിമിനൽ കുറ്റത്തിന് കേസെടുക്കണമെന്ന് കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ. സ്ത്രീത്വത്തിനായി നിലപാട് സ്വീകരിക്കുന്നുവെന്ന് പറയുന്ന മുഖ്യമന്ത്രി ഇക്കാര്യത്തിൽ ശക്തമായ പ്രതികരണം നടത്തേണ്ടിയിരുന്നു.

രാജ്യത്തെ മുതലാളിത്തത്തെ തുറന്നുകാട്ടാൻ രാഹുൽ ഗാന്ധിക്ക് മാത്രമേ കഴിയൂ. മുതലാളിമാരുമായി ചങ്ങാത്തത്തിലാണ് മുഖ്യമന്ത്രി. ഈ രാജ്യം കണ്ട ഏറ്റവും വലിയ ധൂർത്ത് നടത്തുന്ന മുടിയനായപുത്രൻ ആണ് പിണറായി. അദ്ദേഹത്തിന് എങ്ങനെ കേരളത്തിലെ ജനങ്ങളെ രക്ഷിക്കാൻ സാധിക്കുമെന്നും മുല്ലപ്പള്ളി രാമചന്ദ്രന്‍ ചോദിച്ചു.