കാസർകോട്: സംസ്ഥാനത്ത് കുരങ്ങ് പനി റിപ്പോർട്ട് ചെയ്തതോടെ പ്രതിരോധ നടപടികൾ ശക്തമാക്കി സംസ്ഥാന സർക്കാർ. കുരങ്ങ് പനി ബാധിച്ച് ഒരു മരണം റിപ്പോർട്ട് ചെയ്ത കാസർകോട് കുറുക്കുട്ടി പൊയിലില്‍ ബോധവത്കരണ യോഗം സംഘടിപ്പിക്കാൻ തീരുമാനം.
കുരങ്ങ് പനി; പ്രതിരോധ പ്രവർത്തനങ്ങൾ ശക്തമാക്കി സർക്കാർ
സംസ്ഥാനത്തിന്‍റെ ചില ഭാഗങ്ങളിലും അയല്‍ സംസ്ഥാനത്തിലും കുരങ്ങ് പനി റിപ്പോര്‍ട്ട് ചെയ്ത സാഹചര്യത്തിലും കാസര്‍കോടിന്‍റെ മലയോര മേഖലയുടെ ചില ഭാഗങ്ങളിലും കുരങ്ങുകള്‍ മരിച്ച നിലയില്‍ കണ്ടതിനെ തുടർന്നാണ് പ്രതിരോധ നടപടികള്‍ ശക്തമാക്കുന്നത്. ഇതുമായി ബന്ധപ്പെട്ട് റവന്യു വകുപ്പ് മന്ത്രി ഇ. ചന്ദ്രശേഖരന്‍റെ അധ്യക്ഷതയില്‍ കാസർകോട് പരപ്പ ബ്ലോക്ക് പഞ്ചായത്ത് ഹാളില്‍ യോഗം ചേര്‍ന്നു.