കാസർകോട് : കുഡ്‌ലു സർവീസ് സഹകരണ ബാങ്കിൽ നിന്നും കൊള്ളയടിക്കപ്പെട്ട സ്വർണം തിരികെ ബാങ്കിലെത്തി. ഹൈക്കോടതിയുടെ അപൂര്‍വ ഉത്തരവ്‌ പ്രകാരമാണ് നടപടി. കേസിന്‍റെ വിചാരണ ഇനിയും പൂര്‍ത്തിയാക്കിയിട്ടില്ല. വിചാരണ തീരുന്നതിന് മുന്‍പാണ് തൊണ്ടി മുതല്‍ വിട്ടുകൊടുത്തതെന്ന പ്രത്യേകത കൂടി ഈ കേസിനുണ്ട്.
2015 സെപ്‌റ്റംബര്‍ ഏഴിനാണ് 17.689 കിലോ പണയ സ്വര്‍ണവും 12.50 ലക്ഷം രൂപയും കൊള്ളയടിക്കപ്പെടുന്നത്‌. ബാങ്ക് ജീവനക്കാരെ തോക്ക്‌ ചൂണ്ടി ഭീഷണിപ്പെടുത്തിയായിരുന്നു കൊള്ള. ഇതിൽ 15.86 കിലോ സ്വർണവും 12.15 ലക്ഷം രൂപയും രണ്ടാഴ്‌ചക്കുള്ളിൽ പൊലീസ് കണ്ടെത്തിയിരുന്നു. പ്രതികളും പിടിയിലായി.