കാസര്‍കോട്: കൊട്ടിയടക്കപ്പെട്ട അതിർത്തികൾ എപ്പോൾ തുറക്കുമെന്ന ആശങ്കയിലാണ് കേരള- കർണാടക അതിർത്തിയിലെ ജനങ്ങൾ. ചികിത്സാ ആവശ്യങ്ങൾക്ക് പോലും പ്രവേശനം നിഷേധിക്കുമ്പോൾ അതിർത്തി മേഖലയിലുള്ളവരുടെ ആധിയേറുകയാണ്. വിദഗ്‌ധ ചികിത്സകൾക്കായി മംഗളൂരുവിലെ ആശുപത്രികളിലെത്തിക്കാൻ സാധിക്കാതെ ഏഴ് പേരുടെ ജീവനുകളാണ് ഇതിനകം നഷ്ടമായത്. സ്ത്രീ ഉൾപ്പെടെ രണ്ട് പേര്‍ക്കാണ് വിദഗ്‌ധ ചികിത്സ ലഭിക്കാത്തതിനെ തുടർന്ന് ഇന്ന് മാത്രം ജീവന്‍ നഷ്‌ടപ്പെട്ടത്. മഞ്ചേശ്വരം സ്വദേശിയായ ശ്രീധർ തലപ്പാടിയിൽ വെച്ചും തുമിനാട് സ്വദേശിയായ ബേബി കുമ്പള സഹകരണാശുപത്രിയിലും വെച്ചുമാണ് മരിച്ചത്.
മനഃസാക്ഷിയില്ലാതെ കർണാടകം; നഷ്ടമായത് ഏഴ് ജീവൻ