കാസര്‍കോട്:സംസ്ഥാന സ്‌കൂള്‍ കലോത്സവത്തിന്‍റെ ഒരുക്കങ്ങള്‍ അവസാനഘട്ടത്തിലെത്തുമ്പോള്‍ ശ്രദ്ധ പതിയുക പന്തലിലാണ്. മുന്‍വര്‍ഷങ്ങളില്‍ നിന്നും വ്യത്യസ്തമായി ഏറെ മാറ്റങ്ങളോടെയാണ് ഇത്തവണ കലോത്സവത്തിന്‍റെ പ്രധാന വേദി തയാറാകുന്നത്. ആറായിരം പേരെ ഉള്‍ക്കൊള്ളുന്നതാണ് ഐങ്ങോത്ത് സ്ഥാപിക്കുന്ന പ്രധാന വേദി. കഴിഞ്ഞ കാല്‍നൂറ്റാണ്ടായി കലോത്സവത്തിന് പന്തലൊരുക്കുന്ന ചെറുതുരുത്തിയിലെ ഉമ്മര്‍ തന്നെയാണ് കാഞ്ഞങ്ങാടും വേദികളൊരുക്കുന്നത്. 45,000 ചതുരശ്രയടിയിലുള്ള പ്രധാന വേദിയുള്‍പ്പെടെ രണ്ടര ലക്ഷം ചതുരശ്ര അടി വിസ്തീര്‍ണത്തിലാണ് കലോത്സവത്തിനായി കാഞ്ഞങ്ങാട് വേദികള്‍ ഒരുങ്ങുന്നത്.
കലോത്സവത്തിനൊരുങ്ങി കാസർകോട്; ഒരുക്കങ്ങള്‍ അവസാനഘട്ടത്തില്‍