കാസര്‍കോട്:അമ്പിളിക്കല ചൂടി, ശിരസില്‍ ഗംഗയും കഴുത്തില്‍ വാസുകിയുമായി ധ്യാന നിരതനായ ദക്ഷിണ മൂര്‍ത്തിയുടെ ജീവന്‍ തുടിക്കുന്ന ശില്‍പം. മൂന്നര പതിറ്റാണ്ടുകാലത്തെ പാരമ്പര്യമുള്ള കാസര്‍കോട് തൃക്കരിപ്പൂര്‍ തലിച്ചാലത്തെ പി ബാലകൃഷ്‌ണനാണ് ക്ഷേത്രത്തിനായി ഈ അപൂര്‍വ ശില്‍പം ഒരുക്കുന്നത്. കണ്ണൂര്‍ പയ്യാവൂര്‍ മഹാദേവ ക്ഷേത്രത്തിലേക്കാണ് ആറടി ഉയരത്തിലുള്ള ദക്ഷിണ മൂര്‍ത്തിയുടെ ശില്‍പം.
മൂന്നര പതിറ്റാണ്ട്, മുന്നൂറാം ശില്‍പം: ബാലകൃഷ്‌ണൻ പണിപ്പുരയിലാണ്
കഴിഞ്ഞ മൂന്നര പതിറ്റാണ്ടിനിടെ കേരളത്തിലെ മുന്നൂറില്‍പരം ക്ഷേത്രങ്ങളില്‍ ജീവന്‍ തുടിക്കുന്ന ശില്‍പങ്ങള്‍ തീര്‍ത്ത ശില്‍പിയാണ് ബാലകൃഷ്‌ണന്‍. ചിത്രകലാധ്യാപകനായ കുഞ്ഞിമംഗലം നാരായണനാണ് ബാലകൃഷ്‌ണന്‍റെ വഴികാട്ടിയും ഗുരുവും. ശില്‍പകലയിലെ വൈഭവം തിരിച്ചറിഞ്ഞ ഗുരു ശിഷ്യനെ പിന്നെ കൂടെ കൂട്ടുകയായിരുന്നു.