കാസര്‍കോട്: അശാസ്‌ത്രീയവും മുന്‍കരുതലുകളില്ലാത്തതുമായ ജലവിനിയോഗം മൂലം കാസർകോട് ജില്ലയുടെ ഭൂഗര്‍ഭജലനിരപ്പ് താഴ്ന്ന സാഹചര്യത്തില്‍ ജലവിനിയോഗനയം രൂപീകരിക്കാൻ തീരുമാനം. ജലശക്തി അഭിയാന്‍ പദ്ധതിയുടെ ഭാഗമായി ജില്ലയിലെത്തിയ കേന്ദ്ര പ്രതിനിധിയുടെ നിർദേശങ്ങൾ ഉൾപ്പെടുത്തി മൂന്ന് മാസത്തിനകം ജലനയം ആവിഷ്‌കരിക്കും. കുടിവെള്ളത്തിന് പ്രാധാന്യം നൽകിയുള്ള പദ്ധതികളാണ് ആലോചനയിലുള്ളത്. പരമ്പരാഗത കാർഷിക ജലസേചനം, കാർഷിക ആവശ്യങ്ങൾക്കുള്ള സൗജന്യ വൈദ്യുതി തുടങ്ങിയ കാര്യങ്ങളിൽ കാതലായ മാറ്റം ഉണ്ടാകും. ഭൂഗർഭജലത്തിന് ഏറ്റവും വലിയ വെല്ലുവിളി ഉയർത്തുന്ന കുഴൽക്കിണറുകൾക്ക് നിയന്ത്രണമേർപ്പെടുത്താനും തീരുമാനിച്ചിട്ടുണ്ട്.
ജില്ലയില്‍ മൂന്ന് മാസത്തിനകം ജലനയം ആവിഷ്‌കരിക്കും