കാസർകോട്:പെരിയയിൽ ദേശീയ പാത വികസനത്തിന്‍റെ ഭാഗമായി നിർമിക്കുന്ന അടിപ്പാതയുടെ മുകൾ ഭാഗം തകർന്ന് വീണ സംഭവത്തില്‍ പൊലീസ് കേസെടുത്തു. മനുഷ്യജീവന് അപകടം വരുന്ന രീതിയിൽ നിർമാണ പ്രവർത്തനങ്ങൾ നടത്തിയതിന് അടക്കമാണ് ബേക്കൽ പൊലീസ് കേസെടുത്തത്. സംഭവത്തിൽ പ്രതിഷേധവുമായി നാട്ടുകാരും രംഗത്തെത്തി.
നിര്‍മാണത്തിനിടെ അടിപ്പാത തകര്‍ന്നു; തൊഴിലാളിക്ക് പരിക്ക്, പ്രതിഷേധവുമായി നാട്ടുകാർ
ഇന്ന് പുലർച്ചെ മൂന്നു മണിക്ക് നിര്‍മാണം നടക്കുന്നതിനിടെയാണ് അടിപ്പാത തകര്‍ന്നത്. മുകൾഭാഗം കോൺക്രീറ്റ് ചെയ്‌ത് കഴിഞ്ഞ ഉടനെ തകർന്ന് വീഴുകയായിരുന്നു. കോൺക്രീറ്റ് ചെയ്യാനായി നൽകിയ ചെറിയ തൂണുകൾക്ക് ബലമില്ലാത്തത് കൊണ്ടാണ് അടിപ്പാത തകർന്നത് എന്നാണ് പ്രാഥമിക നിഗമനം. മേഘ കൺസ്ട്രക്ഷൻ കമ്പനിയാണ് പാലം നിർമിക്കുന്നത്.