കാസർകോട്: വിശന്നപ്പോൾ അടുക്കളയിൽ കയറിയ പൂച്ചയ്ക്ക് കിട്ടിയത് എട്ടിന്‍റെ പണി. വിഷ്‌ണുമംഗലത്തെ സീതാലക്ഷ്‌മിയുടെ അടുക്കളയിൽ കയറിയ പൂച്ച ഭക്ഷണം അകത്താക്കി സ്ഥലം വിടാനൊരുങ്ങിയപ്പോൾ പാത്രം താഴെ വീണു. ശബ്‌ദംകേട്ട് വീട്ടുകാർ ഓടിയെത്തിയതോടെ ജനൽ വഴി ചാടാൻ ശ്രമിച്ചതാണ് ഈ പൂച്ചയെ കുടുക്കിയത്.
തീറ്റ അകത്താക്കി ഓടി, കുടുങ്ങിയത് ജനല്‍ കമ്പിയില്‍ പൂച്ച
ഓടിയെത്തിയ വീട്ടുകാർ കണ്ടത് ജനൽക്കമ്പിക്കിടയിൽ തല കുടുങ്ങിക്കിടക്കുന്ന പൂച്ചയെ. ഏറെ നേരം ശ്രമിച്ചെങ്കിലും പുറത്തെടുക്കാന്‍ കഴിഞ്ഞില്ല. നിസഹായവസ്ഥ കണ്ട് രക്ഷിക്കാൻ ശ്രമിച്ചെങ്കിലും പരാജയപ്പെട്ടു. പൂച്ച കരയാന്‍ തുടങ്ങിയതോടെ ഒടുവിൽ വീട്ടുകാർ കാഞ്ഞങ്ങാട്ടെ അഗ്നിശമന സേനയുടെ സഹായം തേടി.