കാസര്‍കോട്: ഇത് കാസര്‍കോട് കാറഡുക്ക ബളക്കയിലെ 38 വയസുകാരന്‍ രാധാകൃഷ്‌ണന്‍. തന്‍റെ ശരീരത്തെ കാര്‍ന്നു തിന്നു തുടങ്ങിയ അര്‍ബുദമെന്ന വിപത്തിനോട് മല്ലിടുകയാണ് രാധാകൃഷ്‌ണന്‍. കൂലിവേലയെടുത്ത്, ഭാര്യക്കും മകനും സഹോദരങ്ങള്‍ക്കുമൊപ്പം കുടുംബജീവിതം നയിക്കുന്നതിനിടെയാണ് വില്ലനായി അര്‍ബുദം കടന്നു വന്നത്. കാന്‍സര്‍ കോശങ്ങള്‍ ശരീരത്തെ കീഴടക്കുന്നതിന് മുന്‍പ് ചികിത്സ നടത്തണം. പക്ഷേ, ഭാരിച്ച ചികിത്സാ ചെലവ് താങ്ങാവുന്നതിനും അപ്പുറമാണ്. രോഗികള്‍ക്ക് കാരുണ്യഹസ്‌തമായിരുന്ന കാരുണ്യ പദ്ധതിയില്‍ അപേക്ഷ സ്വീകരിക്കാതെ വന്നതോടെ തുടര്‍ചികിത്സ മുടങ്ങുമോ എന്ന ആശങ്കയിലാണ് രാധാകൃഷ്‌ണന്‍.
കാരുണ്യം ചൊരിയാതെ 'കാരുണ്യ'; തുടര്‍ചികിത്സക്ക് വഴിമുട്ടി അര്‍ബുദരോഗി