'വിവരങ്ങൾ കൃത്യം', ദൗത്യ സേന തകർത്തത് കു​പ്പു ദേ​വ​രാ​ജി​ന്‍റെയും അ​ജി​ത​യു​ടെ​യും ച​ര​മ ദിനം ആചരിക്കാനുള്ള മാവോയിസ്റ്റ് നീക്കം

Police investigation on Kannur Uruppumkutty police-maoist encounter| ഉ​രു​പ്പും​കു​റ്റിയിലെ മാ​വോ​യി​സ്റ്റ് സാന്നിധ്യത്തെ തുടർന്ന് വ​ന​മേ​ഖ​ല​യി​ൽ തെരച്ചിൽ ശക്തമാക്കി കേര​ള-​ക​ർ​ണാ​ട​ക അന്വേഷണ സംഘം.

കാസർകോട് : ഉ​രു​പ്പും​കു​റ്റിയിൽ മാ​വോ​യി​സ്റ്റു​ക​ൾ നിലമ്പൂർ ക​രു​ളാ​യി വ​ന​ത്തി​ൽ വെ​ടി​യേ​റ്റു മ​രി​ച്ച മാ​വോ​യി​സ്റ്റു​ക​ളായ കു​പ്പു ദേ​വ​രാ​ജി​ന്‍റെയും അ​ജി​ത​യു​ടെ​യും (Maoist Kuppu Devraj and Ajitha) ചരമദിനം ആചരിക്കാൻ പദ്ധതിയിട്ടിരുന്നതായി സൂചന.

അന്വേഷണം രഹസ്യ വിവരത്തെതുടർന്ന്: നവംബർ 24 ന് ഞെ​ട്ടി​ത്തോ​ട് വനമേഖലയിൽ ചരമദിനം ആചരിക്കാനാണ് പദ്ധതിയിട്ടിരുന്നത്. ഇത് രഹസ്യാന്വേഷണ വിഭാഗം അറിയുകയും ഓപ്പറേഷന് പദ്ധതി തയ്യാറാക്കുകയുമായിരുന്നു എന്നാണ് പൊലീസ് നല്‍കുന്ന വിവരം.വനത്തിൽ രണ്ടു ടെന്‍റുകൾ കണ്ടെത്തിയതായി എടിഎസും അറിയിച്ചിരുന്നു.

കൃത്യമായ പദ്ധതി ആവിഷ്‌കരിച്ചാണ് തണ്ടർബോൾട്ടും പൊലീസും മാവോയിസ്റ്റുകളെ പിടികൂടാൻ ഇറങ്ങിയത്. ഉ​രു​പ്പും​കു​റ്റിയിൽ മാ​വോ​യി​സ്റ്റു​ക​ൾ തമ്പടി​ച്ചി​ട്ടു​ണ്ടെ​ന്ന സൂ​ച​ന രഹസ്യാന്വേഷണ വിഭാഗത്തിന് ലഭിച്ചിരുന്നു. ഉ​രു​പ്പും​കു​റ്റി മേ​ഖ​ല​യി​ലെ ആ​യാം​കു​ടി കോ​ള​നി ഭാ​ഗ​ത്തേ​ക്ക് എത്തിയ കിലോക്കണക്കിന് ഇറച്ചിയുമായി ബന്ധപ്പെട്ടുള്ള അന്വേഷണമാണ് മാവോയിസ്റ്റുകളിലേക്ക് എത്തിയതെന്നും സൂചനയുണ്ട്.

ക്യാമ്പ് വളഞ്ഞ തണ്ടർ ബോൾട്ടിനു നേരെ മാവോയിസ്റ്റുകൾ വെടിവച്ചു. തുടർന്നാണ് തണ്ടർ ബോൾട്ടും വെടി വെച്ചത്.(Gunshoot in Kannur Uruppumkutty police maoist encounter) വെടിവെയ്പ്പി‌ൽ മാവോയിസ്റ്റുകൾക്ക് പരിക്കേറ്റിട്ടുണ്ടെന്നാണ് സൂചന. ഏതെങ്കിലും ആശുപത്രിയിൽ ചികിത്സ തേടാൻ ഇടയുള്ളതിനാൽ തലശേരി, കൂത്തുപറമ്പ് മേഖലകളിലെ ആശുപത്രികൾ നിരീക്ഷണത്തിലാണ്.

തെ​ര​ച്ചി​ൽ ശക്തമാക്കി അന്വേഷണ സംഘം:മാ​വോ​യി​സ്റ്റു​ക​ൾ​ക്കാ​യി വ​ന​മേ​ഖ​ല​യി​ൽ കേ​ര​ള-​ക​ർ​ണാ​ട​ക അന്വേഷണ സംഘം സം​യു​ക്ത തെ​ര​ച്ചി​ൽ നടത്തുന്നതായാണ് സൂചന. ഉ​രു​പ്പും​കു​റ്റി ഞെ​ട്ടി​ത്തോ​ട് വ​ന​മേ​ഖ​ല​യി​ൽ മാ​വോ​യി​സ്റ്റു​ക​ൾ​ക്കാ​യു​ള്ള തെ​ര​ച്ചി​ൽ മൂ​ന്നാം​ ദി​വ​സ​വും തു​ട​രു​കയാണ്. ( Police investigation on Kannur Uruppumkutty police-maoist encounter) ക​ർ​ണാ​ട​ക നക്‌സൽ വി​രു​ദ്ധ സേ​ന​യും ത​ണ്ട​ർ​ബോ​ൾ​ട്ടും സം​യു​ക്ത​മാ​യാ​ണ് പ​രി​ശോ​ധ​ന ന​ട​ത്തു​ന്ന​ത്. ഉ​രു​പ്പും​കു​റ്റി​യി​ൽ ഇ​ന്ന് രാ​വി​ലെ​യും മൂ​ന്ന് ബ​റ്റാ​ലി​യ​ൻ ത​ണ്ട​ർ​ബോ​ൾ​ട്ട് അംഗ​ങ്ങ​ളാ​ണ് വന​മേ​ഖ​ല​യി​ലേ​ക്ക് ക​യ​റി​പ്പോ​യ​തെന്നാ​ണ് നാ​ട്ടു​കാ​ർ പ​റ​യു​ന്ന​ത്.

കരിക്കോട്ടക്കരി ഉരുപ്പുംകുറ്റിയിലായിരുന്നു പൊലീസും മാവോയിസ്‌റ്റുകളും തമ്മിൽ തിങ്കളാഴ്‌ച രാവിലെ 9.30 ഓടെയാണ് ഉരുപ്പുംകുറ്റി ഞെട്ടിത്തോട് ഭാഗത്ത് ആദ്യ വെടിവയ്‌പ്പുണ്ടായത്. (Kannur Uruppumkutty police maoist encounter) ഏറ്റുമുട്ടലിൽ മാവോയിസ്‌റ്റുകൾ കൊല്ലപ്പെട്ടിട്ടില്ലെന്ന് എടി എസ് ഡിഐജി പുട്ട വിമലാദിത്യ കഴിഞ്ഞ ദിവസം വ്യക്തമാക്കിയിരുന്നു. ഇവരുടെ ആയുധങ്ങൾ പിടിച്ചെടുത്തിട്ടുണ്ട്.

തെരച്ചിലിനിടെ വനത്തിനുള്ളിലേക്ക് പോയ ഡിഐജി അടക്കമുള്ള സംഘം ഒരു മണിക്കൂറിന് ശേഷമാണ് തിരിച്ചുവന്നത്. ഇതിനുശേഷമാണ് അദ്ദേഹം മാധ്യമങ്ങളോട് സംസാരിച്ചത്. ആറളം, അയ്യൻകുന്ന്, കരിക്കോട്ടക്കരി മേഖലകളിൽ നേരത്തേയും മാവോയിസ്റ്റ് സാന്നിധ്യം സ്ഥിരീകരിച്ചിട്ടുള്ളതാണ്. ആറളത്ത് വനം വകുപ്പ് ജോലിക്കാർക്ക് നേരെ മാവോയിസ്‌റ്റ് സംഘം വെടിയുതിർത്തിരുന്നു. ഈ മേഖല മാവോയിസ്റ്റുകളുടെ പതിവ് സഞ്ചാരപാതയാണെന്ന് പറയപ്പെടുന്നു.

കേരളത്തിലെ മാവോയിസ്റ്റ് സാന്നിധ്യമുള്ള മേഖലകളിൽ പരിശോധന ശക്തമാകുമ്പോൾ കർണാടക ഭാഗത്തേക്ക് നീങ്ങുന്നതാണ് മാവോയിസ്റ്റുകളുടെ പതിവ് രീതി. എന്നാൽ വ​ന​മേ​ഖ​ല​യി​ൽ കേ​ര​ള-​ക​ർ​ണാ​ട​ക അന്വേഷണ സംഘം തെരച്ചിൽ ശക്തമാക്കിയിട്ടുണ്ട്.

രണ്ടു മാവോയിസ്റ്റ് വനിതകൾ തലശേരിയിൽ എത്തിയതായി സൂചന:ഉരുപ്പുംകുറ്റിയിൽ പൊലീസുമായി ഏറ്റുമുട്ടിയ മാവോയിസ്റ്റ് സംഘത്തിലെ രണ്ട് വനിതകൾ തലശേരിയിലെത്തിയതായിയുള്ള അഭ്യൂഹത്തെ തുടർന്ന് പൊലീസ് പരിശോധന നടത്തി. ഇന്ന് (15.11.23) രാവിലെ ഒൻപത് മണിയോടെ ചുരിദാർ ധരിച്ച രണ്ടു മാവോയിസ്റ്റ് വനിതകൾ നഗരത്തിലെത്തിയതായാണ് പൊലീസിന് വിവരം ലഭിച്ചത്. പൊലീസുമായുള്ള ഏറ്റുമുട്ടൽ പരിക്കേറ്റെന്ന് കരുതുന്നതെന്ന സ്ത്രീയാണ് ഒരാളെന്ന പ്രചാരണവുമുമുണ്ടായി.

നെടുംപൊയിലിൽ നിന്നും ബസിലെത്തിയ വനിതകൾ ഒ വി റോഡിലെ ചിത്രവാണി ജംഗ്ഷനിൽ ഇറങ്ങിയതായാണ് പൊലീസിന് ലഭിച്ച രഹസ്യ വിവരം. ഇതോടെ മിനിറ്റുകൾക്കുള്ളിൽ നഗരം പൊലീസ് വലയത്തിലാക്കി പരിശോധന ആരംഭിച്ചു. സംശയാസ്‌പദമായ സാഹചര്യത്തിൽ കണ്ടവരെ പൊലീസ് നിരീക്ഷിക്കുകയും ചെയ്‌തു. തലശ്ശേരി പുതിയ ബസ് സ്റ്റാൻഡ്, പഴയ ബസ് സ്റ്റാൻഡ്, റെയിൽവേ സ്റ്റേഷൻ പരിസരം, കടൽപ്പാലം, കടൽത്തീരപ്രദേശങ്ങൾ എന്നിവിടങ്ങളിലടക്കം പൊലീസ് നിരീക്ഷണവും പരിശോധനയും നടത്തുന്നുണ്ട്. എന്നാൽ ആരെയും ഇതുവരെ പിടികൂടിയിട്ടില്ല.