കാസർകോട് : കൊവിഡ്‌ തീര്‍ത്ത ഇടവേളയ്‌ക്ക് ശേഷമുള്ള ആദ്യ കണ്ണൂര്‍ സര്‍വകലാശാല യൂണിയന്‍ കലോത്സവത്തിന് സപ്‌ത ഭാഷ സംഗമ ഭൂമിയില്‍ ഇന്ന് (23.03.22) തിരിതെളിയും. കാസര്കോട് ഗവ.കോളജിൽ വിവിധ വേദികളിലായാണ് കണ്ണൂര്‍ സര്‍വകലാശാല യൂണിയന്‍ കലാപൂരം അരങ്ങേറുന്നത്.
കണ്ണൂര്‍ സര്‍വകലാശാല കലോത്സവത്തിന് ഇന്ന് തിരിതെളിയും
കണ്ണൂര്‍, കാസര്കോട്, വയാനാട്‌ ജില്ലകളിലെ 202 കലാലയങ്ങളിൽ നിന്നായി നാലായിരത്തിലധികം മത്സരാര്‍ഥികള്‍ കലോത്സവത്തില്‍ പങ്കെടുക്കാമനെത്തും. ആദ്യമായാണ് സര്‍വകലാശാല കലോത്സവത്തിന് കാസര്കോട് ഗവ.കോളജ്‌ വേദിയാകുന്നത്.
വര, എഴുത്ത്‌, ശില്‍പം തുടങ്ങി വേദിയിതര മത്സരങ്ങള്‍ ആദ്യ രണ്ട് ദിവസങ്ങളിലും പിന്നീടുള്ള മൂന്ന് ദിവസങ്ങളില്‍ ആവേശത്തിന്‍റെ വേദിയിന മത്സരങ്ങളും നടക്കും. വേദിയിതര മത്സരങ്ങള്‍ ഇന്ന് മാധ്യമപ്രവര്‍ത്തകന്‍ പ്രമോദ്‌ രാമനും സ്റ്റേജ്‌ മത്സരങ്ങള്‍ 25ന് മന്ത്രി ആര്‍.ബിന്ദുവും ഉദ്‌ഘാടനം ചെയ്യും.