കാസർകോട്: കന്നഡ ഭാഷാ വിദ്യാർഥികൾക്കുള്ള ഓൺലൈൻ ക്ലാസുകൾ തയ്യാറായി. കന്നഡ മാധ്യമത്തിൽ പ്രത്യേകം തയ്യാറാക്കിയ വീഡിയോ ക്ലാസുകൾ കൈറ്റ് കാസർകോടിന്‍റെ യുട്യൂബ് ചാനൽ വഴിയും കേരള വിഷൻ കേബിൾ നെറ്റ്‌വർക്കിലൂടെയുമാണ് ലഭ്യമാകുന്നത്. കാസർകോട് ജില്ലയിൽ അര ലക്ഷത്തോളം വരുന്ന കന്നഡ ഭാഷാ വിദ്യാർഥികളുടെ ആശങ്ക സംബന്ധിച്ച ഇടിവി ഭാരത് വാർത്ത നൽകിയിരുന്നു.
കന്നഡ ഭാഷാ വിദ്യാർഥികൾക്കും ഇനി ഓൺലൈനായി പഠിക്കാം
ജൂൺ ഒന്നിന് തന്നെ 'ഫസ്റ്റ് ബെൽ' എന്ന പേരിൽ മലയാളം ഭാഷയിൽ ക്ലാസുകൾ ഓൺലൈനായി ലഭ്യമാക്കിയിരുന്നു. എന്നാൽ കന്നഡ, തമിഴ് തുടങ്ങിയ ഭാഷകളിലെ ക്ലാസുകൾ ആരംഭിക്കുന്നത് സംബന്ധിച്ച് വ്യക്തതയുണ്ടായിരുന്നില്ല. പഠനം മുടങ്ങുമോ എന്ന് വിദ്യാർഥികൾ ആശങ്കപ്പെട്ടിരുന്ന സമയത്താണ് ക്ലാസുകൾ ലഭ്യമാക്കിയത്.