കാസർകോട് :കരിപ്പൂര്‍ കള്ളക്കടത്തില്‍ ഏര്‍പ്പെട്ടവര്‍ക്ക് കണ്ണൂരിലെ സി.പി.എം ക്രിമിനല്‍ സംഘവുമായി ബന്ധമെന്ന് ബി.ജെ.പി സംസ്ഥാന പ്രസിഡന്‍റ് കെ.സുരേന്ദ്രന്‍. ചെര്‍പ്പുളശ്ശേരിയിൽ നിന്ന് വന്നവർ എസ്.ഡി.പി.ഐ, സി.പി.എം പ്രവർത്തകരാണെന്നും സുരേന്ദ്രൻ ആരോപിച്ചു.
കരിപ്പൂര്‍ കള്ളക്കടത്തില്‍ ഉള്‍പ്പെട്ടവര്‍ക്ക് സിപിഎം ക്രിമിനല്‍ സംഘവുമായി ബന്ധം : കെ.സുരേന്ദ്രന്‍
ചെര്‍പ്പുളശ്ശേരി നഗരസഭ ചെയര്‍മാന്‍ സംഭവം നടന്ന ഉടന്‍ സ്ഥലത്തെത്തിയിരുന്നു. വളരെ വ്യക്തമായ സഹായം ലഭിച്ചതിനാലാണ് പ്രതികളെ വിമാനത്താവളത്തിനടുത്ത് വച്ച് പൊലീസ് പിടികൂടാതിരുന്നത്. കരിപ്പൂര്‍ സംഭവത്തില്‍ പൊലീസ് നിഷ്‌ക്രിയമാണെന്നും കെ.സുരേന്ദ്രന്‍ പറഞ്ഞു.