കള്ളപ്പണവും വിദേശ കറൻസിയുമായി കാസർകോട് ഐഎൻഎൽ നേതാവ് അറസ്റ്റിൽ

black money and foreign currency seized from INL leader : 20 ലക്ഷം രൂപയുടെ കുഴൽപ്പണവും 4 ലക്ഷം രൂപയോളം വരുന്ന വിദേശ കറൻസിയുമായാണ് ഐ എൻ എൽ നേതാവ് പിടിയിലായത്

കാസർകോട്: ഐ എൻ എൽ നേതാവിൽ നിന്നും രേഖകളില്ലാതെ കടത്തിയ 20 ലക്ഷം രൂപയിലധികം വരുന്ന ഇന്ത്യൻ കറൻസിയും നാല് ലക്ഷം രൂപയിലധികം വരുന്ന വിദേശ കറൻസിയും പൊലീസ് പിടികൂടി. ഐ എൻ എൽ (Indian national league) കാസർകോട് ജില്ല വൈസ് പ്രസിഡന്‍റ് മുസ്ത്വഫ തോരവളപ്പിലിൽ നിന്നുമാണ് പൊലീസ് പണം പിടിച്ചെടുത്തത്.(INL leader arrested with black money worth Rs 20 lakh and foreign currency worth Rs 4 lakh) .

ഇയാളെ കാസർകോട് ടൗൺ പൊലീസ് അറസ്റ്റ് ചെയ്‌തു. മുസ്ത്വഫ തോരവളപ്പിൽ രേഖകളില്ലാതെ പണം കടത്തുന്നുണ്ടെന്ന രഹസ്യ വിവരത്തിന്‍റെ അടിസ്ഥാനത്തിൽ പൊലീസ് നടത്തിയ പരിശോധനനയിൽ കാസർകോട് മല്ലികാർജുന ക്ഷേത്ര ബസ് സ്റ്റോപ്പിന് സമീപം വച്ച് കാറിൽ നിന്നാണ് പണം കണ്ടെടുത്തത്.

കാറിനകത്തെ ബാഗിലാണ് ഇയാൾ പണം സൂക്ഷിച്ചിരുന്നത്. പണത്തിന്‍റെ രേഖകൾ പൊലീസ് ആവശ്യപ്പെട്ടെങ്കിലും അദ്ദേഹത്തിന് ഹാജരാക്കാൻ കഴിയാത്തതിനെ തുടർന്ന് നേതാവിനെയും ഒപ്പം പണവും കാറും കസ്റ്റഡിയിൽ എടുക്കുകയായിരുന്നു. പിടിയിലായ ഐ എൻ എൽ നേതാവിനെ പൊലീസ് ചോദ്യം ചെയ്‌ത് വരികയാണ്.