കാസര്‍കോട്: കാലവര്‍ഷം ശക്തിപ്പെട്ടതോടെ കാസര്‍കോട് ജില്ലയിലെ തീരദേശ മേഖലയില്‍ കടലാക്രമണം രൂക്ഷമായി. കടല്‍ഭിത്തികള്‍ കടന്നും തിരയടിച്ചു കയറുന്നത് തീരദേശവാസികളെ ആശങ്കയിലാക്കി. ഉരുള്‍പൊട്ടല്‍ സാധ്യതകള്‍ ഉള്ളതിനാല്‍ മലയോരമേഖലയിലും അധികൃതര്‍ ജാഗ്രതാ നിര്‍ദേശം നല്‍കി. അതി തീവ്രമഴക്ക് സാധ്യതയുള്ളതിനാല്‍ കാസര്‍കോട് ജില്ലയില്‍ റെഡ് അലര്‍ട്ട് ഒരു ദിവസം കൂടി നീട്ടി. കാലവര്‍ഷം ആരംഭിച്ച ശേഷം ഇതാദ്യമായാണ് കാസര്‍കോട്ട് തുടര്‍ച്ചയായി മഴ ലഭിക്കുന്നത്. നിര്‍ത്താതെ പെയ്ത മഴയില്‍ മിക്കയിടങ്ങളും വെള്ളത്തിനടിലായി. നിലവില്‍ ആളപായങ്ങള്‍ റിപ്പോര്‍ട്ട് ചെയ്തിട്ടില്ലെങ്കിലും ദുരന്ത നിവാരണ സമിതി ജാഗ്രതാ നിര്‍ദേശം നല്‍കിയിട്ടുണ്ട്.
കാസർകോട് തീരദേശ മേഖലയില്‍ കടലാക്രമണം രൂക്ഷം