കാസർകോട്:കൊവിഡ് പ്രതിരോധത്തിന്‍റെ ഭാഗമായി പൊതു-സ്വകാര്യ ചടങ്ങുകളിൽ നിന്നും വിട്ടു നിൽക്കുമെന്ന് പ്രതിജ്ഞയെടുത്ത് സർക്കാർ ജീവനക്കാർ. ജില്ലയിലെ മുഴുവന്‍ ജീവനക്കാരും അവരുടെ കുടുംബാംഗങ്ങളും അടുത്ത 14 ദിവസം ആൾക്കൂട്ടം ഉണ്ടാകുന്ന ചടങ്ങുകളിൽ പങ്കെടുക്കില്ലെന്നാണ് പ്രതിജ്ഞ ചെയ്തത്. കഴിഞ്ഞ ദിവസം ചേർന്ന കൊറോണ കോർ കമ്മിറ്റി യോഗ തീരുമാനപ്രകാരമാണ് പ്രതിജ്ഞ എടുത്തത്. ജില്ലയിലെ എല്ലാ സര്‍ക്കാര്‍ ഓഫീസുകളിലും ഓരോ ജീവനക്കാരും അപരിചിതരില്‍ നിന്നും കൊവിഡ് രോഗ വ്യാപന സാധ്യതയുള്ള മേഖലകളില്‍ നിന്നും വരുന്നവരില്‍ നിന്നും രണ്ട് മീറ്റര്‍ ശാരീരിക അകലം പാലിക്കും. ഇങ്ങനെ സര്‍ക്കാര്‍ ജീവനക്കാര്‍ പ്രതിജ്ഞ എടുത്ത് പ്രാവര്‍ത്തികമാക്കി പൊതുജനങ്ങള്‍ക്ക് മുന്നില്‍ മാതൃക സൃഷ്ടിക്കുകയാണ് ലക്ഷ്യം.
പൊതു-സ്വകാര്യ ചടങ്ങുകളിൽ നിന്ന് വിട്ട് നിന്ന് സർക്കാർ ജീവനക്കാർ