യുവാവിനെ ബന്ദിയാക്കി കാറും പണവും കവർന്നു; പ്രതി പിടിയിൽ

ചെങ്കള സ്വദേശി ന്യൂമാൻ ആണ് അറസ്റ്റിലായത്

കാസർകോട്:യുവാവിനെ ബന്ദിയാക്കി കാറും മൊബൈൽ ഫോണും പണമടങ്ങിയ പേഴ്‌സും തട്ടിയെടുത്ത കേസിലെ പ്രതി പിടിയിൽ. ചെങ്കള നാലാംമൈൽ സ്വദേശി ന്യൂമാനാണ് (21) അറസ്റ്റിലായത്. ഈ മാസം അഞ്ചിനായിരുന്നു കേസിനാസ്‌പദമായ സംഭവം.

ആദൂർ സ്വദേശി മുനീറിന്‍റെ കാറും പണവുമാണ് പ്രതി തട്ടിയെടുത്തത്. നേരത്തെയും ഇത്തരം കേസുകളിൽ ന്യൂമാൻ പ്രതി ആയിരുന്നുവെന്ന്‌ പൊലീസ് അറിയിച്ചു. പണവും കാറും പ്രതിയിൽ നിന്നും പൊലീസ് കണ്ടെടുത്തിട്ടുണ്ട്.

കവർച്ചയ്ക്ക് ശേഷം പ്രതിയെ കുറിച്ച് പൊലീസിന് വ്യക്തമായ സൂചന ലഭിച്ചിരുന്നു.തുടർന്നാണ് വിദ്യാനഗർ ഇൻസ്‌പെക്‌ടർ മനോജ്‌, സബ് ഇൻസ്‌പെക്‌ടർ പ്രശാന്ത് എന്നിവരുടെ നേതൃത്വത്തിൽ പ്രതിയെ അറസ്റ്റ് ചെയ്തത്. അന്വേഷണ സംഘത്തിൽ എസ്. ഐ വിനോദ്, സി.പി.ഒ സലാം എന്നിവർ ഉണ്ടായിരുന്നു.