കെ.സുന്ദരയുടെ ആരോപണം നിഷേധിച്ച് ബിജെപി ജില്ലാ നേതൃത്വം

മാസങ്ങള്‍ക്ക് ശേഷം ഇങ്ങനെ ഒരു ആരോപണം ഉന്നയിച്ചതിന് പിന്നില്‍ ഗൂഢാലോചനയുണ്ട്. സംഭവം സംബന്ധിച്ച് അന്വേഷണം നടത്തണമെന്നും കെ ശ്രീകാന്ത് ആവശ്യപ്പെട്ടു.

കാസര്‍കോട്: മഞ്ചേശ്വരത്ത് പത്രിക പിന്‍വലിക്കാന്‍ പണം നല്‍കിയെന്ന ബിഎസ്പി സ്ഥാനാര്‍ത്ഥിയായിരുന്ന കെ. സുന്ദരയുടെ ആരോപണം തള്ളി ബിജെപി ജില്ലാ നേതൃത്വം. സംഭവം സിപിഎം-മുസ്ലിംലീഗ് ഗൂഢാലോചനയെന്ന് ബിജെപി ജില്ലാ പ്രസിഡന്‍റ് കെ ശ്രീകാന്ത് ആരോപിച്ചു. യാതൊരു വിധ പണമിടപാടും മഞ്ചേശ്വരത്ത് നടന്നിട്ടില്ല. സ്ഥാനാര്‍ഥിത്വം പിന്‍വലിക്കുന്നതിന്‍റെ കാരണം അന്ന് സുന്ദര മാധ്യമങ്ങളോട് പറഞ്ഞിരുന്നു.

Read More...........പിന്മാറാൻ 15 ലക്ഷം ചോദിച്ചു, രണ്ടര ലക്ഷവും ഫോണും കിട്ടി: ബി.എസ്.പി സ്ഥാനാര്‍ഥി

ശബരിമല വിഷയവുമായി ബന്ധപ്പെട്ട പ്രതികരണമാണ് അന്നുണ്ടായത്. മാസങ്ങള്‍ക്ക് ശേഷം ഇങ്ങനെ ഒരു ആരോപണം ഉന്നയിച്ചതിന് പിന്നില്‍ ഗൂഢാലോചനയുണ്ട്. സംഭവം സംബന്ധിച്ച് അന്വേഷണം നടത്തണമെന്നും കെ ശ്രീകാന്ത് ആവശ്യപ്പെട്ടു.