കാസര്‍കോട്:വരുന്ന നിയമസഭ തെരഞ്ഞെടുപ്പിന് മുന്നോടിയായി കള്ളവോട്ട് നടക്കാന്‍ സാധ്യതയുള്ള ബൂത്തുകളുടെ പട്ടിക തയ്യാറാക്കുന്നതടക്കമുള്ള പ്രവര്‍ത്തനങ്ങളിലാണ് ജില്ലയിലെ തെരഞ്ഞെടുപ്പ് ചുമതലയുള്ള ഉദ്യോഗസ്ഥര്‍. സുരക്ഷ മുന്‍കരുതലുകളുടെ ഭാഗമായി രണ്ട് കമ്പനി കേന്ദ്ര സേനയും ജില്ലയിലെത്തി. വോട്ടെടുപ്പിനോടനുബന്ധിച്ച് ജില്ലയില്‍ വ്യാപക കള്ളവോട്ട് നടക്കാന്‍ സാധ്യതയുണ്ടെന്ന പരാതിയെ തുടര്‍ന്നാണ് കര്‍ശന നടപടികളുമായി ജില്ലാ ഭരണകൂടം രംഗത്ത് വന്നത്. വോട്ടര്‍മാരെ മദ്യവും പണവും നല്‍കി സ്വാധീനിക്കാന്‍ ശ്രമിക്കുന്നത് തടയാന്‍ പ്രത്യേകം സ്‌ക്വാഡിനെ നിയോഗിക്കും. കള്ളവോട്ട് ചെയ്യാനിടയുള്ള ബൂത്തുകള്‍ സംബന്ധിച്ച പട്ടികയും തയ്യാറാക്കും. ഇതിനായി രാഷ്ട്രീയ കക്ഷി പ്രതിനിധികള്‍ക്ക് കലക്ടര്‍ നിര്‍ദേശം നല്‍കി.
കള്ളവോട്ട് തടയാന്‍ കര്‍ശന നടപടികളുമായി കാസര്‍കോട് ജില്ലാ ഭരണകൂടം