കാസർകോട്: കൊലപാതകങ്ങളുടെ പാപക്കറയിൽ മുങ്ങി നിൽക്കുന്ന പാർട്ടിയാണ് സിപിഎം എന്ന് എഐസിസി ജനറൽ സെക്രട്ടറി കെ.സി.വേണുഗോപാൽ പറഞ്ഞു. കാസർകോട് പെരിയയിൽ ശരത് ലാൽ-ക്യപേഷ് രക്തസാക്ഷി അനുസ്‌മരണം ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാനത്തെ നടുക്കിയ പെരിയ ഇരട്ടക്കൊലപാതകത്തിന്‍റെ ഒന്നാം വാർഷികത്തിൽ കല്യാട്ടെ രക്തസാക്ഷി മണ്ഡപത്തിൽ നിന്നും തുടങ്ങിയ സ്‌മൃതിയോടെയാണ് അനുസ്‌മരണ ചടങ്ങുകൾക്ക് തുടക്കം കുറിച്ചത്. സിപിഎം കൊലപാതകികളെ രക്ഷിക്കാനുള്ള വെപ്രാളത്തിൽ ആണെന്നും ശരത് ലാലിനെയും കൃപേഷിനെയും കൊലപ്പെടുത്തിയ സംഭവത്തിൽ സിബിഐ അന്വേഷണത്തിനെതിരെ പിണറായി സർക്കാർ നീങ്ങുന്നത് ഇതാണ് വ്യക്തമാക്കുന്നതാണെന്നും കെ.സി.വേണുഗോപാൽ കുറ്റപ്പെടുത്തി.
സിപിഎം കൊലപാതകങ്ങളുടെ പാപക്കറയിൽ മുങ്ങി നിൽക്കുന്ന പാർട്ടി: കെ.സി.വേണുഗോപാൽ