കാസര്‍കോട്: കോട്ടിക്കുളത്ത് കര്‍ണാടക സ്വദേശിയെ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തി. സംഭവം കൊലപാതകമാണെന്ന് പൊലീസ് അറിയിച്ചു. കൊലയാളിയെന്ന് സംശയിക്കുന്നയാളെ പൊലീസ് പിടികൂടി. സമീപത്തെ കടയിലെ സിസിടിവി ദൃശ്യങ്ങള്‍ പരിശോധിച്ചതില്‍ നിന്നാണ് പ്രതിയെ അറസ്റ്റുചെയ്യാനായത്. ഇയാളും കര്‍ണാടക സ്വദേശിയാണ്.
ഇന്ന് രാവിലെയാണ് 45 വയസ് തോന്നിപ്പിക്കുന്ന കര്‍ണാടക സ്വദേശിയുടെ മൃതദേഹം കട വരാന്തയില്‍ ദുരൂഹ സാഹചര്യത്തില്‍ കണ്ടെത്തിയത്. തലയിലും മുഖത്തും തോളിലുമെല്ലാം മുറിവുകള്‍ കണ്ടതോടെയാണ് കൊലപാതകമെന്ന് പൊലീസ് ഉറപ്പിച്ചത്. കൂടാതെ ഒരാള്‍ മൃതദേഹം വലിച്ചിഴച്ച് കൊണ്ടുപോകുന്ന സിസിടിവി ദൃശ്യങ്ങളും ലഭിച്ചു.
കാസർകോട്ട് കര്‍ണാടക സ്വദേശിയെ മരിച്ച നിലയില്‍ കണ്ടെത്തി