റിസർവ് വനത്തിൽ 20 ദിവസം പഴക്കമുള്ള മൃതദേഹം കണ്ടെത്തി

20 ദിവസം പഴക്കമുള്ള പുരുഷന്‍റെ മൃതദേഹമാണ് കണ്ടെത്തിയത്

കാസർകോട്: കാസർകോട് കൊട്ടിയടി റിസർവ് വനത്തിൽ അജ്ഞാത മൃതദേഹം കണ്ടെത്തി. മൃതദേഹത്തിന് 20 ദിവസം പഴക്കമുണ്ട്. പുരുഷന്‍റെ മൃതദേഹമാണ് കണ്ടെത്തിയത്. സംഭവത്തിൽ ആദൂർ പൊലീസ് അന്വേഷണം ആരംഭിച്ചു.

ഒരു മാസത്തിനുള്ളിൽ രജിസ്റ്റർ ചെയ്ത മിസിങ് കേസുകളുമായി ബന്ധപ്പെടുത്തിയാണ് അന്വേഷണം നടക്കുന്നത്. മൃതദേഹത്തിന് സമീപത്ത് നിന്നായി കീടനാശിനിയുടെ അംശം കണ്ടെത്തിയിട്ടുണ്ട്. ആത്മഹത്യയാണെന്നാണ് പ്രാഥമിക നിഗമനം.