കണ്ണൂർ :സിപിഎം പാര്‍ട്ടി കോണ്‍ഗ്രസിന്‍റെ സെമിനാറില്‍ പങ്കെടുക്കാനുള്ളകെ.വി തോമസിന്‍റെ തീരുമാനം സ്വാഗതാർഹമെന്ന് പാര്‍ട്ടി സംസ്ഥാന സെക്രട്ടറി കോടിയേരി ബാലകൃഷ്ണൻ. അദ്ദേഹം വരുമെന്ന് നേരത്തെ അറിയിച്ചിരുന്നു. രാജിവച്ച് വന്നാൽ സ്വീകരിക്കുന്നതിൽ തടസമൊന്നുമില്ല. സി.പി.എമ്മുമായി സഹകരിക്കാൻ തയ്യാറായി നേരത്തെയും പല കോൺഗ്രസ് നേതാക്കളും വന്നിട്ടുണ്ട്. അവരെന്നും വഴിയാധാരമായിട്ടില്ലെന്നും അദ്ദേഹം കൂട്ടിച്ചേര്‍ത്തു.
കണ്ണൂരിലായതുകൊണ്ട് പങ്കെടുക്കരുതെന്ന് കോൺഗ്രസ് നേതാക്കൾ പറയുന്നതിൽ അർഥമില്ല. എറണാകുളത്ത് സംസ്ഥാന സമ്മേളനത്തിൻ്റെ സെമിനാറിലേക്ക് രമേശ് ചെന്നിത്തലയെ ക്ഷണിച്ചിരുന്നു. ചെന്നിത്തല അന്ന് വന്നില്ല. കോൺഗ്രസുമായി ഒരു വിശാല സഖ്യം സി.പി.എം ആലോചിക്കുന്നില്ലെന്നും കോടിയേരി പറഞ്ഞു.
കെ.വി തോമസ് രാജിവച്ച് വന്നാലും സ്വീകരിക്കും: കോടിയേരി